ကိုယ်စလုပ်ခဲ့တဲ့အလုပ်ကို ပြီးအောင်လုပ်နိုင်မည့် ၅နည်း (နှင့်ဘာကြောင့် ပြီးပြတ်အောင်မလုပ်ဖြစ်ကြတာလဲ)

အောက်ဖော်ပြမည့် နည်းလမ်း၅ခုကတော့ မိမိရည်မှန်းချက်ကိုရောက်ရှိအောင် သွားနိုင်ဖို့ သတိပြုရမယ့် အချက်၅ချက်ပဲဖြစ်ပါတယ်။

သင့်ဘဝမှာ အလုပ်တစ်ခုကိုအသစ်စလုပ်ပြီး ပြီးပြတ်အောင်မလုပ်ဘဲ ပစ်ထားဖူးမှာပါ။ ဒါဟာပြသနာသိပ်မရှိပါဘူး။ ဒါပေမဲ့ မကြာခဏလုပ်လေ့ရှိပြီး အကျင့်တစ်ခုလိုဖြစ်လာကာ သင့်ကို
ပြန်ဒုက္ခပေးနေပြီ ဆိုရင်တော့  ပြန်သုံးသပ်သင့်နေပါပြီ။

ဥပမာအနေနဲ့ သင်ဟာတူရိယာပစ္စည်း တစ်မျိုးမျိုးကို စတင်တယ်၊ မတတ်ခင်ရပ်သွားတယ်။ သင်တန်းတစ်ခုသွားတက်တယ်၊ မပြီးခင် ဆက်မသွားပဲ ဖြတ်လိုက်တယ်၊ ဝတ္ထုတစ်ပုဒ်စရေးတယ်၊ ဒါပေမယ့် ဆက်မရေးပဲ လပေါင်းများစွာ၊ နှစ်ပေါင်းများစွာ ပစ်ထားလိုက်ပြန်တယ်၊ ဒါမှမဟုတ် အခန်းကိုရှင်းမယ်ဆိုပြီး မရှင်းဖြစ်တာ၊ Blog ပုံမှန် ရေးတင်မယ်ဆိုလို့ စလိုက်ပြီးမှ ပုံမှန်မရေးဖြစ်တာ၊ စားသောက်ပုံစံပြောင်းမယ်၊ အားကစားလုပ်မယ်ဆိုပြီး စပြီးမှဆက်မလုပ်တော့တာမျိုးတွေပေါ့။

ဒါတွေကိုကျော်လွှားနိုင်ပြီး ရည်မှန်းချက်ပန်းတိုင်အထိရောက်အောင် သွားနိုင်မယ်၊ ကိုယ်ထင်တဲ့အရာတွေ လက်တွေ့ကျ အလုပ်ဖြစ်မယ့်နည်းမျိုး မရှိဘူးလားဗျ…

ဒီအချက်တွေနဲ့ စဉ်းစားကြည့်ပါ။

ဘာအတွက်ကြောင့် လုပ်လက်စအလုပ်တွေကို ကျွန်တော်တို့  ဆက်မလုပ်ဖြစ်တာလဲ။

အလုပ်တစ်ခုစလုပ်တာဟာ လူတစ်ယောက်ကို စပြီးချစ်ကျွမ်းဝင်တာနဲ့ ဆင်တူပါတယ်။ စိတ်ဝင်စားဖို့ကောင်းတယ်၊ ခံစားချက်ကို လှုံ့ဆော်စေတယ်၊ သဘာဝအရကိုက နိုးနိုးကြွကြွဖြစ်နေတယ်။ ဒါအပြင် ဒီအလုပ်တစ်ခုကို စိတ်ပါစွဲတဲ့အထိ ဖြစ်တတ်ကြတယ်။ ဒါတွေဖြစ်နေတော့ အရာအားလုံးဟာ အဆင်ပြေတယ်လို့ပဲထင်နေကြတယ်။ ဖြစ်လာနိုင်မယ့် အတားအဆီး၊ အခက်အခဲတွေကို မေ့မေ့ပျောက်ပျောက်ပဲဖြစ်နေတာပေါ့။ ဒီလိုနဲ့ပဲ အချိန်တွေရွေ့လာတဲ့အခါ စလုပ်ခဲ့တဲ့အလုပ်၊ စာအုပ်၊ သင်တန်း၊ (သို့တည်းမဟုတ် ချစ်သံယောဇဉ်ဇာတ်လမ်း) တွေဟာ၊  ကိုယ်ထင်ထားတာထက် ပိုခက်တယ်ဆိုတာတွေ့လာရော။  ကိုယ်ပြီးမယ်လို့ထင်ထားတဲ့အချိန်တွေထက် ပိုကြာလာတာတွေ့လာရော။  ဒါမှမဟုတ်လည်း ငြီးငွေ့စရာ တကုပ်ကုပ်လုပ်ရတယ့် အလုပ်တွေပါလာတာမျိုးပေါ့။ ဒီအဆင့်ကို ကျော်ပြီး နောက်အဆင့် ရောက်ဖို့ ကိုယ့်ဟာကိုယ်မသေချာတော့ဘူး။ ဒီအဆင့်မှာတင်တစ်ပြီး လုပ်နေတယ့် အရှိန်သေကာ ရပ်သွားပါလေရော…

ဒီလိုရပ်ရပ်သွားတာ ကိုယ့်ကိုယ်ကို မသိလို့တော့မဟုတ်ဘူး။  ဒါပေမယ့် ပြန်လုပ်မယ်၊ ပြန်လုပ်မယ်ဆိုပြီး၊ ပြန်လုပ်နေလည်းမထူးတော့ဘူးဆိုတာသိသွားတဲ့အချိန်အထိ အချိန်ဆွဲရင်း တကယ်မလုပ်ဖြစ်ပဲ ပြန်လုပ်မယ်ဆိုပြီးသာ  စိတ်ထဲတွေးနေတတ်ကြတယ်။ ဒီလိုအချိန်ဆွဲတာက  အကောင်းဆုံးအခြေအနေဖြစ်ချင်တာကြောင့်ရယ် အခုလုပ်ရင် သိပ်မကောင်းမှာစိုးတဲ့စိတ်ကြောင့်လည်း ဖြစ်ကောင်း ဖြစ်နိုင်ပါတယ်။ ဘယ်လိုပဲဆိုဆို၊ ဘယ်လိုပဲ လုပ်မယ်တွေးတွေး သေချာတဲ့ ရှောင်လွှဲမရတယ့် အဖြစ်မှန်တစ်ခုကတော့ သင့်အလုပ်အခုချိန်မှာရပ်နေပြီ။ အတားအဆီးတစ်ခု၊ အပိတ်အဆို့တစ်ခု၊ နံရံတစ်ခု၊ ကြောက်ရွံ့မှုတစ်ခုဟာ သင်လျှောက်ရမယ့် လမ်းကြောင်းကို ပိတ်ထားနေပြီ။

ပျင်းရိမှုဟာလည်း ပြသနာပေးတဲ့အထဲက အစိတ်အပိုင်းအသေးလေးအနေနဲ့ ပါပါလိမ့်မယ်။ ဒါပေမဲ့ လူအနည်းစုကသာ ကိုယ်ကြိုက်တဲ့အလုပ်၊  လွယ်ကူတဲ့အလုပ်၊ ပိုက်ဆံရမယ့်အလုပ်၊ အကျိုးအမြတ်ရမယ့်အလုပ်ကို  လုပ်ရမှာ ပျင်းတာပါ။

ကဲ… တစ် မနေဖို့၊ ရပ်မနေဖို့ ဘယ်လိုလုပ်ကြမလဲ…

ကိုယ့်ကိုယ်ကို၊ (သို့မဟုတ် အခြားတစ်စုံတစ်ဦးကို) ဒီအလုပ်ကို ဒီတစ်ခါ အဆုံးထိ ပြီးအောင်လုပ်မယ်လို့  ကတိမပေးခင် အောက်ကလုပ်ဆောင်ချက်အချို့ကို အရင်လုပ်ကြည့်ပါ။

၁။ မိမိဖြစ်လေ့ဖြစ်ထရှိတယ့် စလုပ်တာရယ်၊ ရပ်သွားတာရယ်  ကိုယ်လုပ်နေကျပုံစံကို ကိုယ့်ဟာကိုယ်သိအောင်လုပ်ပါ။ ဒီလိုလုပ်ဖို့ကတော့  အရင်ကလုပ်ခဲ့ဖူးတယ့် အလုပ်မှန်သမျှကို ပြန်လည်သတိရအောင်လုပ်ပါ။ တက်ခဲ့ဖူးတဲ့ သင်တန်းတွေ၊ ချခဲ့ဖူးတဲ့ သန္နိဋ္ဌာန်တွေ၊ သင်မယ်စခဲ့တယ့်  ဘာသာစကားတွေ၊ စာအုပ်တွေ၊ စလုပ်မယ် ဆိုတဲ့ အကြံအစည်တွေ  (အရမ်းရင်းနှီးတဲ့ ကိုယ့်အကြောင်း ဓါတ်သိသူငယ်ချင်း တစ်ယောက်လောက်က ကူပေးနိုင်ပါလိမ့်မယ်။)  အားလုံးအားလုံးကို ပြန်စဉ်းစားပါ။ ဘာအတွက်ကြောင့် စခဲ့တယ်၊  ဘယ်အချိန်မှာရပ်သွားပြီး ဘာကြောင့် ရပ်သွားတာကို ရေးမှတ်ပါ။ ဒီ့အထဲက  ဘုံဖြစ်တဲ့အချက်တွေ ရှာထုတ်ကြည့်ပါ။

၂။ အခုစလုပ်မယ့် အလုပ်အကြောင်းကို စမလုပ်ခင် ထဲထဲဝင်ဝင်  ရှာထုတ်ကြည့်ပါ။ သင့်လိုရည်မှန်းချက်တူတဲ့ အခြားလူတွေတုန်းက  ဘယ်လိုကြုံခဲ့ရလည်း လေ့လာပါ။ သင်ဟာကမ္ဘာ့ပထမဆုံး  တရုတ်ဘာသာစကားကို နှုတ်တိုက်စလေ့လာရမယ့်လူ မဟုတ်သလို၊ ပြန်လည်ပြင်ဆင် စိစစ်စရာမလိုတဲ့ ဝတ္ထုကို ပထမဆုံးရေးမယ့်လူ လည်းမဟုတ်ပါဘူး။ ဒီလိုပဲ ပထမဆုံးသော ဗိုက်နည်းနည်းအဆာခံပြီး  ဝိတ်ကျအောင် လုပ်ရမယ့်လူလည်းမဟုတ်ဘူး။ ဒီလိုပဲ  ကြုံခဲ့ဖူးတယ့်လူတွေအများကြီးပါ။

၃။ ကိုယ့်အကြောင်းကိုယ်သိအောင်လုပ်ပြီး တကယ်ဖြစ်နိုင်အောင်ပဲလုပ်ပါ။ သင်ဟာတကယ်ဖြစ်နိုင်တာပဲ လုပ်တဲ့အလေ့အကျင့်ရှိတယ့်လူမဟုတ်ရင်  ဒီဥာဉ်လေးက မွေးယူထားသင့်ပါတယ်။ မဖြစ်နိုင်တဲ့  ရည်မှန်းချက်ကြီးတွေထားပြီး တကယ်မလုပ်နိုင်ပဲ ငါလုပ်နိုင်ကို  လုပ်နိုင်ရမယ်ဆိုပြီး လုပ်ရင်တော့ သေချာပါတယ်၊ အရှုံးနဲ့ပဲရင်ဆိုင်ရလိမ့်မယ်။

၎။ ဘယ်အချိန်မှာဘာပြီးရမယ်ဆိုတဲ့ Timeline သို့မဟုတ်  ရည်မှန်းချက်ရောက်အောင် လုပ်ရမယ့် အဆင့်တစ်ဆင့်ချင်းစီကို ချရေးထားပါ။ ဒါဟာသင့်ကို အထောက်အကူပြု ပါလိမ့်မယ်။ တစ်နေ့ကို  စကားလုံးဘယ်နှလုံးကျက်မယ်၊ တစ်ပတ်ကို အချိန်ဘယ်လောက် ပေးမယ်  စသဖြင့်ပေါ့… ဒီမှာအချိန်မှာ အောင်မြင်မှုတွေလိုက်ရေတာမျိုးထက် သေချာ အားစိုက်ပြီး တကယ်တမ်း ဘယ်လောက်လုပ်နိုင်လည်း ဆိုတာမျိုးပဲဖြစ်သင့်ပါတယ်။

၅။ သင့်စိတ်ပါဝင်စားမှုက သင့်စိတ်အရင်းခံဖြစ်ပါစေ။ ဒီအလုပ်ကို  ကိုယ့်အတွက်ကိုယ် အကျိုးရှိတယ်ထင်လို့လုပ်မှာလား။  ကိုယ်လုပ်ချင်တာသေချာလို့လား။ ဒါမှမဟုတ် ဒီစာအုပ်ကို ရေးလိုက်တဲ့အတွက် ပိုက်ဆံအများကြီးရမှာ၊ ကောင်မလေးတွေ (ဒါမှမဟုတ်အခြား) ရဖို့အတွက်လား။ ဒီဟာလုပ်ခြင်းဟာ  သင့်ကိုကြည်နူးပျော်ရွှင်မှု ပေးနိုင်မယ်ဆိုရင် ထင်တာထက်  ပိုကြာပေမယ့်လည်း သင့်ကိုစိုးရိမ်စိတ် ပေးမှာမဟုတ်ပါဘူး။

ဒါပေါ့ ကိုယ့်ဟာကိုယ် အရှုံးလို့ မခံယူခင်လည်းက ဆက်မလုပ်ဖို့ စဉ်းစားတာ
သင့်အတွက်ပိုကောင်းပါလိမ့်မယ်။

Ref: http://www.psychologytoday.com/blog/creating-in-flow/201402/5-ways-finish-what-you-start-and-why-you-often-dont

အာ.ဗီ. ဧရာဝတီကွင်း နှင့် အလုပ်သင်အင်ဂျင်နီယာပေါက်စ ကျွန်တော်… အပိုင်း(၂)

အရင်အပိုင်းမှာတုန်းက ကျွန်တော် Project Management/Project Planning အကြောင်း သိသလောက်လေး ပြန်မျှဝေမယ်လို့ ပြောခဲ့တယ်နော်။ ကဲ… သိသမျှမှတ်သမျှ ပြန်ဝေငှပါပြီဗျာ။ Costing တစ်ခုတွက်မယ်ဆိုရင် Approach နှစ်မျိုးရှိပါတယ်။ တစ်မျိုးကတော့ ရှိပြီးသား ဒေတာ အဟောင်းတွေကနေခန့်မှန်းတဲ့ Estimate from Previous Data နဲ့ အမျိုးအစားအလိုက် ကဏ္ဍခွဲပြီး တွက်ချက်တဲ့ Categorizing ဆိုပြီး နှစ်မျိုးရှိပါတယ်။ နောက်တစ်ခုကတော့ သင်္ဘောဆောက်ဖို့ Inquiry ၁၀ ယောက်လောက် လာမေးရင် ၁ယောက်လောက်နဲ့ပဲ တကယ် အလုပ်ဖြစ်တာများပါတယ်။ ပြီးတော့ Cutting Edge အကြောင်း နဲနဲပြောသွားပါတယ်။

Planning … မြန်မာလိုဆိုရင်တော့ ကြိုတင်စီမံချက်ချတာပေါ့။ ဒီနေရာမှာတော့ အဓိကအားဖြင့် ၅မျိုးခွဲပါတယ်။

၁။ Define Tasks (ဘာတွေလုပ်ရမှာလဲ)

၂။ Schedule Tasks (ဘယ်အချိန်မှာ ဘာတွေပြီးရမလဲ)

၃။ Allocate Resources (အရင်းအမြစ်တွေကို ဘယ်လိုခွဲဝေသတ်မှတ်ပေးမှာလဲ)

ဒီမှာဆိုရင် Resources မှာ လူ့စွမ်းအားအရင်းအမြစ် (Human Resources), ကုန်ကြမ်း၊ ကုန်ပစ္စည်း အရင်းအမြစ် (Material Resources), သင်္ဘောကျင်းဝင်ဆံနိုင်မှုနှင့် လုပ်နိုင်စွမ်း (Dockyard Capacity and Resources) တွေကို ထည့်သွင်းစဉ်းစားရပါမယ်။

၎။ Calculate Costs (ကုန်ကျမည့် ငွေကြေးပမာဏကို တွက်ချက်ခြင်း)

၅။ Optimize the Schedule (လုပ်ငန်းစဉ်တစ်ခုလုံးကို ခြုံငုံပြီး အစီအစဉ် ကို သင့်တင့်မျှတအောင်ရေးဆွဲခြင်း)

တွေဟာ Planning လုပ်ဆောင်ချက်ထဲမှာ လုပ်ရမယ့်အဓိက ၅ချက်ပါ။

Project တစ်ခုစလုပ်မယ်ဆိုရင် သူ့လုပ်ငန်းစဉ်အလိုက် ဆိုင်ရာဆိုင်ရာ အလုပ်များကို ခွဲခြားပြီး အစီအစဉ်ဆွဲထားသင့်ပါတယ်။

ကျွန်တော်တို့ Ship Production မှာသင်ခဲ့တယ့် WBS (Work Breakdown Structure) ပေါ့။ ဒီမှာတော့

1. Top Level, 2. Work Packages, 3. Tasks ဆိုတာမျိုးပါ။

ခုနကပြောခဲ့တဲ့ Planning မှာတစ်ခုအပါအဝင်ဖြစ်တဲ့ Schedule Tasks မှာတော့ အချိန်ကို ဘယ်လိုခွဲဝေအသုံးချကြမယ်ဆိုတာကို အစီအစဉ်သတ်မှတ်ခြင်းဖြစ်ပါတယ်။ ဒါဟာProject တစ်ခုမှာ အသက်သမျှအရေးကြီးလှပါတယ်။ ဒါတွေကိုတော့ မြင်သာထင်သာရှိအောင် Schedule ရေးဆွဲခြင်း၊ GANTT Charts တွင်ဖော်ပြခြင်း၊ Milestone Charts များဆွဲခြင်း၊ Net Plans ->PERT (Program Evaluation and Review Technique) တွေနဲ့ သတ်မှတ်ဖော်ပြလေ့ရှိပါတယ်။

(Schedule ကတော့ နေ့စွဲတွေ၊ ရက်တွေနဲ့ ဘယ်နေ့ ဘယ်အချိန်မှာ ဘာပြီးအောင်လုပ်မယ်ကို မှတ်ထားတာမျိုးပါ)

  

(အပေါ်မှာပြထားတဲ့ ၄ပုံကတော့ GANTT Charts တွေပဲဖြစ်ပါတယ်။ ဒီမှာဆိုရင်တော့ ဘယ်အလုပ်နဲ့ဘယ်အလုပ်ကို တစ်ခါတည်းတွဲလုပ်လို့ရတယ်။ အချိန်ဘယ်လောက်ကြာရင်ပြီးမယ်။ ဒါပြီးတာနဲ့ ဟိုဟာတစ်ခါတည်းလုပ်မယ်။ ဒါမပြီးသေးလဲ ဟိုဟာကလုပ်ထားလို့ရတယ် ဆိုတာတွေကို Activities vs Time Taken နဲ့ ဆွဲထားတဲ့ Chart တွေပါ။)

(ဒါတွေကတော့ Milestone Charts ပါ)

ကျွန်တော်နားလည်သလောက်ပြန်ဝေငှတာပါ။ အမှားပါချင်လဲပါမယ်။ အမှားတွေ့ခဲ့ရင် ကျေးဇူးပြုပြီး Comment မှာရေးပြီး အမှားကို ထောက်ပြပေးခဲ့ပါ။

PERT ဆိုတာကတော့ Activities on Arrow Networks ပါ။

လုပ်ဆောင်ရမယ့် Activities တွေကို Arrows တွေမှာပြပြီး၊ ဖြစ်ပျက်မယ့် Events တွေကို Nodes တွေမှာရေးပါတယ်။

 

(ဒါတွေကတော့ PERT Charts တွေပါ။)

တစ်ခါတစ်ရံမှာတော့ Fish Bone Diagram, ငါးရိုးပုံစံနဲ့လည်း ပြလေ့ရှိပါတယ်။ ဒါကို Ishikawa Diagram လို့လည်းခေါ်ပါတယ်။ Planning မှာသုံးတာတော့ သိပ်မမြင်ဖူးဘူး။ Evaluation နဲ့ Cause-Effect  တွေရှာတဲ့နေရာမှာ ပိုသုံးတာတွေ့ရတယ်။

အသေးစိတ်သိချင်ရင်တော့ Google မှာ ရှာဖတ်လို့ရပါတယ်။

Project Planning/ Project Management မှာ နောက်ထပ်အသက်တမျှအရေးကြီးတာကတော့ Cost Calculation ပါပဲ။ ဟုတ်တာပေါ့၊ ရှုံးတာမြတ်တာ တွက်ထားရမှာပေါ့။ မတွက်ထားလို့ ခွက်ခွက်လန်အောင်ရှုံးရင် ဘာနဲ့ ထမင်းသွားစားကြမှာလဲ။

ဒီ Cost Calculations မှာ Influencing Factors တွေကတော့ အများကြီးပါပဲ။ ဒီ့အထဲမှာ Materials and Resources, Contracting, Subcontracting နဲ့ Inflation Factor တို့ကအရေးကြီးပါတယ်။ Materials and Resources မှာဆိုရင် Materials တွေအတွက်ကုန်ကျမယ့်ပိုက်ဆံတွေ၊ အလေအလွင့်တွေ၊ Resources မှာဆိုရင်လည်း အသုံးပြုရမယ့် လူအင်အားအတွက်ကုန်ကျစရိတ်၊ စက်ယန္တရားငှားရမ်းခတွေ ဒါတွေက Key Factors တွေလေ။ ဒါတွေ ထည့်မတွက်ထားမိလို့ ဘယ်ရမလဲ။ သောက်သောက်လဲရှုံးသွားမှာပေါ့။

Contracting နဲ့ Subcontracting ကတော့ ကျွန်တော်လဲသိပ်မသိတော့ မရေးတော့ဘူး။ Inflation Factor ကတော့ မေ့ကျန်ခဲ့လို့မဖြစ်ဘူး။ ဥပမာအနေနဲ့ ပြောရရင် မနှစ်က ကြက်ဥတစ်လုံးဘယ်လောက်လဲ၊ လက်ရှိဘယ်ဈေးလဲ၊ နောက်နှစ်ဘယ်လောက်ဖြစ်မလဲ၊ နာဂစ်တုန်းက ကြက်ဥဈေးဘယ်လောက်အထိမြင့်တက်သွားလဲ။ ကြက်ငှက်တုတ်ကွေးဖြစ်တုန်းက ဘယ်လောက်အထိနိမ့်ဆင်းသွားလဲ။ ဒါတွေအကုန်သိရမယ်။ တွက်ထားရမယ်။ ကြက်ဥဈေးက ဒေါ်လာဈေးပေါ်တိုက်ရိုက်မှီခိုလား၊ ရွှေဈေးအတက်အကျနဲ့ရောဆိုင်လား၊ ဓါတ်ဆီဈေးတက်သွားရင်ကောလိုက်တက်မှာလား။ ဒါတွေကို အတိအကျမဟုတ်ရင်တောင်၊ မမြတ်ရင်တောင်၊ ပိုးဆိုးပက်စက်မရှုံးအောင် ကြိုတွက်ထားရမယ်လေ။

ကြက်ဥပြောလို့ကြက်ဥပဲမြင်မနေနဲ့ဦး၊ ဥပမာပေးတာ။ သင်္ဘောဆောက်တာဆိုရင် သံပြားတို့ ဒေါ်လာဈေးတို့ကို ဆိုလိုချင်တာ။

ဒီ Planning အများစုကို Microsoft Project ဆိုတဲ့ Software ထဲမှာ အကုန်လုံးနီးပါးလုပ်လို့ရတယ်တဲ့။ ကျွန်တော်လည်းတစ်ခါမှမစမ်းဖူးသေးဘူး။ စမ်းချင်တယ်ဗျာ။ တစ်နှစ်ရှိပြီ လုပ်ဖို့ကို… အချိန်မပေးနိုင်တာနဲ့ ကျွန်တော့ ကွန်ပြူတာက ၆၄ဘစ် ဝင်းဒိုးစ်ဖြစ်နေတာနဲ့ စမ်းခွင့်မသာသေးဘူး။

စမ်းသုံးဖူးတဲ့လူရှိရင် ဝေငှကြပါဦးဗျာ။

တကယ်တော့ ကျွန်တော်ဧရာဝတီဘုရင်မကြီးဆီမှာ ကြုံခဲ့ လုပ်ခဲ့ရတာလေးတွေ ရေးမလို့ဘဲ… ရေးရင်းနဲ့ အလုပ်စဝင်တဲ့နေ့က အတွေ့အကြုံလေးတွေပါဝေငှလိုတာကြောင့် ဒီ Project Planning/ Project Management ကို ခေါင်းစဉ်မခွဲဘဲ ရေးလိုက်မိတယ်ဗျာ။

တောင်းပန်ပါတယ်။ နောက်တစ်ပိုင်းကျရင် ဧရာဝတီဘုရင်မကြီးမှာကြုံတွေ့တာလေးတွေ သေချာပေါက်ရေးပေးမှာမို့ ဆက်လက်ဖတ်ရှုပေးကြပါလို့ မေတ္တာရပ်ခံအပ်ပါတယ်ခင်ဗျာ။

အားလုံးကို ကျေးဇူးအထူးတင်ရှိလျှက်…

ထိုက်အောင်ကျော်